13 января 2021, 11:47
Ног регионалон оператор «Эра» балхæдта 12 нырыккон быронласæны
Ацы азы фыццаг æмбис ма нæ республикæ райсдзæн ноджыдæр 18 машинæйы
Бæрæгбæтты рæстæг ног регионалон оператор «Эра» раласта 3 мины æмæ 500 тоннæйы бырæттæ. Йæ фылдæр хай – Дзæуджыхъæуæй. Компани балхæдта 12 нырыккон быронласæны. Кусынц сыл районты центрты æмæ хъæуты. Ацы азы фыццаг æмбис ма нæ республикæ райсдзæн ноджыдæр 18 машинæйы. Ног оператор йæ хæсыл нымайы, æнæ закъонæй цы бырондæттæ арæзт æрцыд, уыдон ссыгъдæг кæныныл. Хæстæгдæр рæстæг сфидар кæндзысты фæтк, æмæ уымæ гæсгæ бырæттæласæн машинæтæ цæудзысты районтæм.