филиал вгтрк государственная телерадиовещательная компания “Алания”

Фæлладуадзæн сезоны размæ æдасдзинады федералон службæйы арæнхъахъхъæнæн цæгатирыстойнаг управленийы зæрдыл лæууын кæнынц, январæй фæстæмæ арæнтæм хæстæг фæзуаты уæвыны фæткмæ ивддзинæдтæ хаст кæй æрцыд. Туристтæн семæ хъуамæ уой сæ паспорттæ, стæй сæрмагонд бардæттæг гæххæтт. Фæлладуадзджытæ хъуамæ цæуой, æрмæстдæр цы маршрут снысан кодтой, уымæ гæсгæ. Уымæй уæлдай æнæ сæрмагонд бардæттæг гæххæттæй, нæй арæнхъахъхъæнджыты бынæттæ, сæрмагонд нысантæ æмæ инженерон-техникон арæзтæдты къамтæ исын. Зын маршруттæ цы туристтæ равзарой, уыдон та хъуамæ сæхи фæнысан кæной æнæнхъæлæджы уавæрты министрады агурæн-ирвæзынгæнæн отряды хыгъды. Ацы фæтк чи фехала, уыдон æфхæрд æрцæудзысты административон æгъдауæй.