Аразджыты бригад уыцы-иу рæстæг кусы цалдæр хайыл
Ногир æмæ Михайловскæ цы хид иу кæны, уый цæттæ у 80%. Аразджыты бригад уыцы-иу рæстæг кусы цалдæр хайыл. Ног хиды конструкци зæрондæй уыдзæн зынгæ фидардæр. Æппæт куыстытæ фæуын фæнд кæнынц афæдзы кæронмæ. Ацы хъуыддаг æххæстгонд цæуы национ проект «Цардæн инфраструктурæ»-мæ гæсгæ. Бæлвырддæр хабæрттæ радзурдзæн Хъайтмазты Дзерассæ.
Сæрдыгон тæвд бонтæ куыст æрлæууын кæныны æфсон не сты. Аразджыты бригад уыцы иу рæстæг кусы цалдæр хайыл. Ногир æмæ Михайловскæ цы хид иу кæны, уый цæттæ у 80 процентæн, зæгъынц специалисттæ. Ам машинæтæн цæуæн хайы уыдзæн 120 метры, фæндаджы 2 рæнхъы, фистæгæйцæуджытæн тротуартæ. Объекты иумæйаг дæргъ у 136 метры.
Ног хиды конструкци зæрондæй уыдзæн зынгæ фидардæр. Ахæм æдасдзинад æххæст кæнынц, цæугæдоны 18 метры арфы цы цæджындзтæ сæвæрдтой, уыдон. Ацы инженерон арæзтад бафæраздзæн абухгæ доны цыдæн. 2 азы размæ зæронд хиды быцæутæ доны тыхæн нæ бафæрæзтой æмæ ныккалд. Логистикæйæн ацы объект ахсджиаг у. Ис Дзæуджыхъæумæ хæстæг æмæ зынгæ рогдæр кæны машинæты цыд.
Объект аразгæйæ фæлтæрдджын бригадæн зындзинæдтæ нæ уыд. Фылдæр бацархайын сæ бахъуыд коммуникацитыл кусгæйæ. Канализацийы иу хай ныридæгæн баиу кодтой. Дыккагыл дæр куыст цæуы. Ног æфсæн хæтæлтæ зæрæттæй фидардæр сты, мидæгæй хъахъхъæд цæуынц сæрмагонд хуызы. Мæйы кæронмæ аразджытæ фæнд кæнынц сæвæрын электрон тыхдæттæг линитæ, æмæ уæд коммуникацитимæ куыстытæ фæуыдзысты. Специалистты архайгæйæ, æрмæст инженерон хæстæ æххæст кæнын нæ хъæуы.
Ныртæккæ объекты фæллой кæны 30 адæймаджы онг æмæ техникæйы 15 иуæджы. Ахæм арæзтад подрядон организацийæн ног нæу. Арæзтой ма Алагиры, Æрыдоны цæугæдоны сæрды хид. Горæтгæрон районы хидæй фæстæмæ ма специалисттæ аразынц былгæрæттæ фидаргæнæн конструкцитæ. Ссыгъдæг ма кæндзысты æмæ фæуæрæхдæр кæндзысты донвæд дæр. Объект æххæст уыдзæн æппæт хъæугæ инфраструктурæйæ. Сцæттæ кæнын æй фæнд кæнынц афæдзы кæронмæ. Ацы хъуыддаг æххæстгонд цæуы нацпроект «Цардæн инфраструктурæ»-мæ гæсгæ.
