филиал вгтрк государственная телерадиовещательная компания “Алания”

Ногиры дарддæр цæуы культурæйы хæдзары цалцæг. Аразджытæ баивтой бæстыхайы сæр, коммуникацитæ, сног кодтой рухсгæнæн системæ. Кæронмæ фæхæццæ кæнынц аивгæнæн куыстытæ мидæггаг агъуыстыты дæр. Уый тыххæй йæ телеграм-каналы фехъусын кодта республикæйы сæргълæууæг Сергей Меняйло. Стыр æргом аздæхтой концертон залмæ. Уыдзæн дзы 240 бынаты. Фæзынд уæлæмхасæн санузелтæ. Сног кодтой бæстыхайы разуынд дæр. Культурæйы хæдзары алфамбылай территоримæ дæр базилдзысты. Ацы объект байгом 1961-æм азы. Уæдæй фæстæмæ дзы бындурон цалцæг нæ уыд. Куыстытæ фæнд кæнынц ацы азы кæронмæ фæуын. Ацы æмæ ма культурæйы бирæ æндæр объекттæм базилын бантыст нацпроект «Культурæ»-йы фæрцы.