филиал вгтрк государственная телерадиовещательная компания “Алания”

Мæздæджы районы Ново-Георгиевскæйы байгом кодтой мемориалон къæйдур Георгий Эприкянæн. Хъæбатырæй фæмард сæрмагонд æфсæддон операцийы. Номарæн нысан бакодтой, Георгий кæм цард, уыцы хæдзары къулыл. Мадзалы архайдтой районы æмæ хъæуы администрацийы, æхсæнадон организациты минæвæрттæ, скъоладзаутæ æмæ кадетон кълæсты хъомылгæнинæгтæ, бынæттон цæрджытæ. Хъæбатыры хæстон ном æрхъуыды кодтой, минут æдзæмæй алæугæйæ, мемориалон къæйдуры цур дидинджытæ сæвæрдтой. Георгий Эприкян фæмард фарон мартъийы. Йæ ныййарджытæн уыд иунæг лæппу. Цыдис ыл 22 азы. Баззадис ын чысыл чызг. Цы лæгдзинад равдыста, уый тыххæй Георгий хорзæхгонд æрцыд Хъæбатырдзинады орденæй йæ амæлæты фæстæ.