Ирыстойнаг хъæбысæйхæцджытæ рамбылдтой 3 хæрзиуæджы
Новосибирскы хатдзæгтæ скодтой Советон Цæдисы хъæбатыр Петр Барбашовы номыл турнирæн грекъаг-римаг хъæбысхæстæй. Ирыстойнаг хъæбысæйхæцджытæ рамбылдтой 3 хæрзиуæджы. Гугкаты Давид фæуæлахиз 67 килограммы онг категорийы. Доййаты Гермæн æмæ Джиоты Дмитрий хорзæхджынгонд æрцыдысты бронзæ майдантæй 60 æмæ 82 килограммы уæзы. Турниры архайдтой 150 спортсмены Уæрæсейы 33 регионæй. Се `хсæн уыдысты: 2 спорты мастеры, æппæтадæмон къласы 8 спорты мастеры, Уæрæсейы 53 спорты мастеры æмæ спорты мастертæм кандидаты. Фыдыбæстæйы хъæбатыры номыл турнир скæныны хъæппæрис разынд нæ республикæйы минæвæрттæм. Уымæн æмæ Петр Барбашов фæмард Ирыстоны 1942-æм азы. Новосибирскы спортивон æхсæнадæн хъуыды сæ зæрдæмæ фæцыд. Бирæ богæлттæ се спортивон аз фесты ацы турнирæй, æмæ сын фадат уыдис рæсугъд кæронбæттæн скæнынæн.
