Цавæр уавæртæ æмæ гæнæнтæ агуры цæгатирыстойнаг базарад?
Ныгуылæн бæстæты аххосæй уæрæсейаг базарады цы уавæр сæвзæрд, уый бизнесы минæвæрттæн æвзæрын кæны къуылымпыдзинæдтæ. Зæгъæм, санкциты фыццаг къуыри арæзтадон æрмæджыты аргъ цæхгæр фæзынаргъдæр. Кусæнгæрзтæ æлхæныны хъуыддаг дæр фæцудыдта. Ацы уавæры агурын хъæуы æндæр гæнæнтæ, зæгъынц специалисттæ. Импорты ныхмæ хъæуы бынæттон резервæй пайда кæнын. Цавæр уавæртæ æмæ гæнæнтæ агуры цæгатирыстойнаг базарад, уый тыххæй бæстондæр радзурдзæн Касаты Наирæ.
Арæзтадон æрмæджыты ценры тæрхæджытæ нæ афтид кæнынц. Ам фæлхасгæнæджы размæ хæссынц куыд уæрæсейаг, афтæ фæсарæйнаг продукци дæр. Проценттæм гæсгæ, адæм фылдæр агурынц фæсарæйнаг æрмæг, фæлæ, уый нырма… Фылдæр нæм арæзтадон æрмæг ласынц Испанийæ, Италийæ, Индийæ æмæ Китайæ. Центры разамонæг Беруаты Жаннæ куыд зæгъы, афтæмæй æрмæстдæр бынæттон заводтыл зæрдæ дарæн нæй, уымæн æмæ арæзтадон æмæджы бирæ хæйттæ сты импортон. Валютæйы курс иу ран кæй нæ лæууы, уымæ гæсгæ оператортæ дæр нæ тагъд кæнынц товар æрвитыныл, цæмæй сæм уый фæстæ, кассæйы къуылымпыдзинæдтæ ма уа, уый тыххæй. Базарады цæлхдуртæ æвæрынц дистрибьютертæ сæхæдæг. Ахæм уавæры агурын хъæуы æндæр гæнæнтæ, зæгъы амалхъом адæймаг. Уымæн фæлтæрддзинад ис.
Арæзтадон базарадæн йæ проукци парахат кæныныл архайынц ирыстойнаг куыстуæттæ дæр. Мæздæггаг агуыридур бæстæйы регионтæм фыццаг аз не рвитынц. 9 азмæ географи дзæвгар фæфылдæр. Ростов, Таганрог, Мæскуыйы облæсть, æмæ æрмæст уырдæмты нæ. Продукци æвзарынц алывæрсыгæй, зæгъæм, уазæлттæн куыд фæраза æмæ уа фидар.
Завод афæдзмæ уадзы 20 милуан агуыридурæй фылдæр. Йæ арæзтадон æрмæг бынæттон карьерæй æлыг. Фæлæ дзы кусæнгæрзтæ та ис францусæгтæ. Куыстуаты æмбарынц, сæ кусæнгæрзтæй исты куы асæтта, уæд сæ раздæрау тагъд аивын сæ бон нæ баудзæн. Ахæм уавæрты заводы разамынд хъуыды кæны, бынæттон аналогтæм æргом раздахын.
Арæзтадон æрмæджыты аргъ санкциты фыццаг къуыри кæй фæзынаргъдæр, уый къуылымпыдзинæдтæ сæвзæрын кодта арæзтады бизнесы минæвæрттæн. Ацы къабаз, цыфæндыйæ дæр фæзыны экономикæйы уавæрыл.
Ам дæр алы уавæрты бынæттон базарады хъæуы фидар уæвын. Уымæн та гæнæн ис импорт раивгæйæ.
Базарад æндæр хуызы скæныны тыххæй рагон мадзæлттæ аразын нæ хъæуы, зæгъынц ацы къабазы ветерантæ. Магкæты Хъауырбег республикæйы у зындгонд архитектор, фæлтæрддзинад æм ис 50 азы. Йæ фæлтæрддзинад æмæ зонындзинæдтæ дих кæны æрыгон фæлтæримæ. Дæнцæджы хуызы æрхаста наукон библиотекæйы, фысымуат «Владикавказ» спорткомплекс «Манеж»-ы æмæ сæйраг уæлдæр ахуыргæнæндæтты бæстыхæйттæ. Уыдон се ппæт дæр арæзт цыдысты нæхи бæстæйы конд арæзтадон æрмæджытæй.
Тактикон æгъдауæй баххуыс кæныны мадзæлттыл амалхъомдзинады минæвæрттимæ ныхас цыди республикæйы ведомствæйы дæр. Æргъты бæрц снывыл кæнын у экономикон уавæры сæйраг хъуыддæгтæй иу. Специалистты ныхæстæм гæсгæ, æргътæ ныридæгæн фæзындысты хъæдæрмæг æмæ æфсæйнагыл. Базарад заууатмæ æркæнын нæ бауаддзысты. Арæзтадон процессы экономикæ арæзт цæуы федералон центры æмвæзадыл. Фылдæр æргом дзы здæхт цæуы арæзтадмæ. Цæгат Ирыстоны фæстаг азты ацы къабазы æргътæ фæзынаргъдæр сты. Кризисы ныхмæ пъланыл цæуы куыст. Цавæрдæр æххуысы мадзæлттæ ныридæгæн мыхуыргонд æрцыдысты Уæрæсейы арæзтады министрады сайты.
УФ-йы йæ хæстæ субъектты раз сæххæст кæнынæй зæрдæ вæры. Специалистты ныхæстæм гæсгæ, ахсджиаг у, цæмæй субъекттæ дæр сæ хæстæ сæххæст кæной. Ацы аз Цæгат Ирыстон нысан кæны 15 объекты саразын, 65 æрцæудзысты бындурон цалцæггонд , 8 реставраци скæндзысты, 3 та ногæй рацараздзысты. Куыстыты бæрц гыццыл нæу, фæлæ сын сæ пъланыл бакуыстой бæрнонæй.
