Туроператортæ сæ зæрдæ дарынц, бынæттон туризмы райрæзтыл
Ныгуылæн бæстæты санкциты тыххæй Цæгат Ирыстоны цæрджытæ сæ фæлладуадзынмæ туртæ æлхæнынц къаддæр. Туристтæн нал уыдзæни Доминиканæмæ, Кубæмæ æмæ Мексикæмæ ацæуыны бар. Æхгæд æрцыди Европæ дæр. Санкциты аххосæй аивдзæни туристон путевкæты аргъ дæр. Кæд бирæ бæстæтæ Уæрæсеимæ уæлдæфон транспорты фæтк аивтой, уæддæр фæсарæнты баулæфыны гæнæн ис бирæ рæтты. Ныртæккæ уал, туристтæн сæ бон бабæрæг кæнын у, Эмираттæ, Египет, Турк. Ис ма бирæ рæттæ, фæлæ туристты хсæн парахат не сты, билетты æргътæ сæм æгæр зынаргъ кæй сты, уый тыххæй. Уымæ гæсгæ ам, санкцитæй аразгæ ницы у.
Туроператортæ сæ зæрдæ дарынц, бынæттон туризмы райрæзтыл. Куыд зæгъынц, афтæмæй ахæм уавæримæ сæмбæлдысты пандемийæйы райдиан дæр. Бирæ туристтæ сæ фæлладуадзæн рæстæг æрвыстой сау денджызы был, кæнæ та Цæгат Кавказы регионты. Цæгат Ирыстоны бынæттон туризм фæстаг 2 азмæ сырæзт 40%, зæгъынц специалисттæ. Туристтæ ныридæгæн рагацау æлхæнынц сæрдмæ путевкæтæ.
