Ног ахуыры аз хъуамæ фæзыной Æрыдоны 1-æм, 3-æм, 4-æм æмæ Красногоры скъолаты
Нымæцон æмæ гуманитарон центртæ байгом кæнынмæ зæрдиагæй цæттæ кæнынц Æрыдоны районы дæр. Ног ахуыры аз хъуамæ фæзыной Æрыдоны 1-æм, 3-æм, 4-æм æмæ Красногоры скъолаты. Сифтонг сæ кæндзысты нымæцон кусæнгæрзтæй, 3D-принтертæй æмæ æндæр нырыккон кусæнгæрзтæй. Педагогтæ ныридæгæн ацыдысты фæлтæрддзинад фылдæргæнæн курсытæ. Августы та сын уыдзысты комкоммæ ахуыртæ. Ныридæгæн уал «Точка роста» æнтыстджынæй кусы Хъæдгæроны скъолайы. Фидараты Маринæ радзурдзæн бæлвырддæр хабæрттæ.
«Точка роста» мингай скъоладзаутæн. Нымæцон æмæ гуманитарон пъланы. Æрыдоны фыццæгæм скъолайы активонæй сæхи цæттæ кæнынц рæзты центры байгом кæнынмæ. Цалцæггæнæн куыстытæ бацыдысты сæ тæмæны. Уæлæмхасæн ахуырады секцитæ байгом кæндзысты скъолаты бындурыл. Раздæр уыдысты æрмæст факультативтæ. Нырæй фæстæмæ та алцыдæр уыдзæн ног.
Ацы хъуыддаг къухы бафтыд национ проект «Ахуырад»-мæ гæсгæ. Кусæнгæрзтæ æмæ æппæт æрмæджытæ балхæдтой регионалон бюджеты фæрæзтæй. Ацы аз Æрыдоны районы фæзындзæн 4 ахæм центры. Ныридæгæн уал «Точка роста» æнтыстджынæй кусы Хъæдгæроны.
Ахуырадон центрты программæтæ арæзт сты нырыккон компетенцитæм. Бæлвырддæр та, цæмæй ахуыргæнинæгтæм фæзыной ног зонындзинæдтæ ахæм къабæзты, куыд: «Технологи», «Математикæ æмæ информатикæ», «Физкультурæ æмæ цардархайды æдасдзинады бындурты». Проект æххæст кæнгæйæ уал сифтонг кодтой шахмæттæй хъазæн фысымуат. Ахæм зонæтæ фæзындзысты алы центры дæр. Æрбацæуыны фадат дзы уыдзæн алкæмæн дæр. Уымæй дарддæр «Точка роста» сифтонг кæндзысты нымæцон кусæнгæрзтæй, 3D-принтертæй, виртуалон цард æвдисæг шлемтæй, квадрокоптертæй, фыццаг æххуыс бакæныны æмæ æндæр нырыккон кусæнгæрзтæй. Педагогтæ ныридæгæн ацыдысты фæлтæрддзинад фылдæргæнæн курсытæ. Августы та сын уыдзысты комкоммæ ахуыртæ.
Ацы ахуыры аз «Точка ростæ»-йы центртæ байгом кæндзысты Æрыдоны фыццæгæм, æртыккæгæм, цыппæрæм стæй Красногоры скъолаты. Æмтгæй райсгæйæ, 2021-æм азы кæронмæ нымæцон æмæ гуманитарон центртæ фæзындзысты Цæгат Ирыстоны 130 ахуырадон организацийæ фылдæр. Уыимæ – республикæйы æппæт районты.
