Уым архайыны фадат ис цыфæнды зæронд бæласæн дæр.
Ныртæккæ нæ бæстæйы царды уадзын
райдыдтой Æппæтуæрæсеон программæ «Бæлæстæ – æрдзы
уæдæгас цыртдзæвæнтæ». Уым архайыны фадат ис цыфæнды зæронд бæласæн дæр.
Уый тыххæй хъæуы сайт Росдерево.ру-мæ курдиат ныффыссын. Программæйы эксперттæ
цæуынц Уæрæсейы алы регионтæм, æмæ бæрæг кæнынц рагон бæлæсты уавæр. Ацы бонты
сты Цæгат Ирыстоны. Æркæсдзысты Æрыдоны, Хъæдгæроны, Мæздæджы æмæ Даргъ-Къохы
рагон бæлæстæм. Алкæмæн дæр сæ ис йæхи цымыдисаг истори. Бæлвырддæр радзурдзæн
Фидараты Маринæ.
Ацы бæласы аууонæй рацыды фæстæ,
адæймагæн йæ миддуне аивы. Уымæн æмæ йæм адæм рагæй-æрæгмæ дæр цыдысты бакувынмæ.
Ам райхалынц сæ уæлмонц хъуыдытæ æмæ бæллицтæ. Уыйфæстæ та райдайынц æцæг диссæгтæ.
Бынæттон цæрджытæ куыд зæгъынц, афтæмæй ацы тулдз бæласыл цæуы 500 азы. Ныртæккæ,
хъыгагæн, бæлас у базилинаг. уый тыххæй сæрмагондæй Мæскуыйæ Æрыдонмæ ссыдысты
эксперттæ. Семæ сластой сæрмагонд кусæнгæрзтæ. Зæгъæм, ристограф. Уый фæрцы сбæрæг
кæнæн ис бæласы уæлцъары уавæр æмæ йæ хæрзхъæддзинад.
Тулдз бæласыл бæлвырд цал
азы цæуы, уый та сбæрæг кæндзæн иннæ специалист. Пайда кæндзæн сæрмагонд
пресслерæй. Йæ фæрцы æркæсдзысты бæласы хъæды уавæрмæ. Уымæн æмæ уым баззайынц
азты фæдтæ.
Цасфæнды куы цæуа ацы бæласыл,
уæддæр рагон тулдз сусæг кæны бирæ историон таурæгътæ. Нымад у Алардыйы фæдзæхстыл.
Ирон адæмæн та Аларды у æнæниздзинадыл аудæг.
Цæгат Ирыстоны ис 3 зæронд
тулдз бæласы æмæ 1 сусхъæд. Уыдон хаст æрцыдысты æппæтуæрæсеон программæмæ «Бæлæстæ – æрдзы уæдæгас цыртдзæвæнтæ».
Уым архайыны фадат ис цыфæнды зæронд бæласæн дæр. Уый тыххæй хъæуы сайт
Росдерево.ру-мæ курдиат ныффыссын. Æрыдойнаг
тулдз бæласы иртæстыты фæстæ та эксперттæ æркæсдзысты Хъæдгæроны сусхъæдмæ, стæй
та уæд ацæудзысты Даргъ-Къохмæ æмæ Мæздæгмæ. Уым дæр ис рагон æмæ рæсугъд бæлæстæ.
Алкæмæндæр сæ йæхи цымыдисаг бирæазон истори.
