Ацы фарстатыл æргом æрныхас кодтой Цæгат Ирыстоны паддзахадон университеты журналистикæйы факультеты студенттæ æмæ республикæйы Æхсæнадон палатæйы минæвæрттæ
Нырыккон дунейы фæзындтыты ныхмæ куыд архайæн ис, стæй нæ бæстæйы хæзнатæ бахъахъхъæнынæн цавæр куыст кæнын хъæуы? Ацы фарстатыл æргом æрныхас кодтой Цæгат Ирыстоны паддзахадон университеты журналистикæйы факультеты студенттæ æмæ республикæйы Æхсæнадон палатæйы минæвæрттæ. Фæсивæдæн радзырдтой экстремизмы æмæ терроризмы ныхмæ профилактикæйы мадзæлтты тыххæй. Аныхас кодтой нæ бæстæйы политикон системæйы, стæй Цæгат Ирыстоны граждайнаг æхсæнады фарстатыл. Мадзал саразджыты хъуыдымæ гæсгæ, ахæм фембæлдтытæ фидæны журналисттæн сты тынг ахсджиаг. Уымæн æмæ уыдонæй аразгæ у æхсæнадон цæстæнгас æмæ историон намыс бахъахъхъæныны нысан.
