Ног информацион технологитæ наукæ æмæ ахуырады. Нырыккон гуманитарон академийы ацыд 5-æм æппæтадæмон наукон-практикон конференци.
Архайдтой дзы ахуыргæндтæ Мæскуыйæ
Ног информацион технологитæ наукæ æмæ
ахуырады. Нырыккон гуманитарон академийы ацыд 5-æм æппæтадæмон
наукон-практикон конференци.
Архайдтой дзы ахуыргæндтæ Мæскуыйæ,
Налцыккæй, Тбилисийæ, Хуссар æмæ Цæгат Ирыстонæй. Наукон æмбырды ныхас
цыд инклюзивон æмæ дардмæйы ахуырадыл. Уыимæ ма пайда кæнынц роботты
ххуысæй, ома сæрмагонд компьютерон программæтæй. Уыцы хъуыддаг хъуамæ
зынгæ фенцондæр кæна ахуыры процесс. Адæймагæн йæ бон зонындзинæдтæ исын
у, цыфæнды ран куы уа, уæд дæр, – загъта йæ доклады нырыккон
гуманитарон академийы президент Михаил Карпенко. Зæгъæм, ахæм системæтæй
пайда кæнæн ис дæрддзæф хохаг хъæуты. Информацион æмæ телекоммуникацион
технологитæй пайдагæнгæйæ фенцондæр кæнæн ис куыст иумæйаг
ахуыргæнæндæтты дæр.
Сæлбиты Алан, РЦИ-Аланийы ахуырады æмæ
наукæйы министрады информацион технологиты хайады хицау: «Роботтæ æмæ
ног технологитæ уымæн хъæуынц, æмæ адæймагæн йæ къух фæрогдæр кæной,
зонындзинæдты хæрзхъæддзинад фæхуыздæр кæной. Зæгъæм скъолаты хæхбæсты
сæ ис пайда кæнæн æнæмæнг æмæ сæ пайда кæндзысты æнæнмæнг».