Раздæр ацы къабазы хæрзхъæд æрмæг æлхæдтой европæйаг бæстæты æмæ Америкæйы
Нырыккон стоматологи – Уæрæсейы ныхмæ санкциты уавæрты. Раздæр ацы къабазы хæрзхъæд æрмæг æлхæдтой европæйаг бæстæты æмæ Америкæйы. Ныртæккæ та сæвзæрдысты зындзинæдтæ. Арæхдæр стоматологтæ се ргом здахын райдыдтой азиаг бæстæтæм. Уым ныртæккæ активонæй парахат кæнынц раззагдæр технологитæ. Фæлæ раздæрау дæндæгтæ дзæбæх кæнæн ис лæвар, медицинон полисмæ гæсгæ. Пайда кæнæн дзы ис поликлиникæты, фæлæ уым лæггæдты хыгъд ахæм парахат нæу. Фидараты Маринæ радзурдзæн бæстондæр.
Алкæмæн дæр зонгæ зæлтæ хъуысынц стоматологон кабинетæй. Æмæ кæд раздæр уыцы зæлтæ æрмæст æнкъарæнтыл уагътой сæ фæд, уæд ныртæккæ та ма дæндæгты дохтырмæ балц фæбæрæг вæййы адæймаджы дзыппыл дæр. Уыимæ бирæтæ нал тæрсынц дохтырмæ цæуын, зонынц æй, дæндæгтæ дзæбæх кæнын æнæмæнг кæй хъæуы, уый. Стæй ма рыст дæр нал æмбары адæймаг. Апарахат иннæ ахсджиаг хъуыды, зæгъгæ санкцитæ фæбæрæг сты стоматологон лæггæдты аргъыл æмæ хæрзхъæддзинадыл. Клиникæты та зæрдæ æврынц, хъуыддагмæ æмæ æргътæм бæлвырд кæй кæсынц, уымæй.
Ортопед Хуыгаты Алан куыд зæгъы, афтæмæй кæд пациенттæ æргъты уæлæмæцыдæй тæрсынц, уæддæр сæ нымæц къаддæр нæ кæны. Иунæг зæрдæхсаинаг фарста – хæрзхъæд æрмæг ссарын. Раздæр сæ æлхæдтой европæйаг бæстæты æмæ Америкæйы. Ныртæккæ та сæвзæрдысты зындзинæдтæ.
Арæхдæр стоматологтæ се ргом здахын райдыдтой азиаг бæстæтæм. Уым ныртæккæ активонæй парахат кæнынц нырыккон технологитæ. Фæлæ раздæрау дæндæгтæ дзæбæх кæнæн ис лæвар, медицинон полисмæ гæсгæ. Пайда кæнæн дзы ис поликлиникæты, фæлæ уым лæггæдты хыгъд ахæм парахат нæу.
Ныртæккæ фæсарæйнаг æрмæг нæ бæстæмæ цæуы æнæ къуылымпытæй. Цæмæй æппындæр зындзинæдтæ мæ взæрой, уый тыххæй сæ специалисттæ рагацау самал кæнынц.
