25 сентября 2014, 17:09
Нысанмæ арæзт федералон программæ «Æрыгон бинонтæн цæрæнуæттæ»-йы архайджытæ абон сарæзтой ныхмæлæуды акци
Сайд адæм рацыдысты хицауады хæдзары цурмæ. Се ппæт дæр 10 азы размæ бафыстой æхца, фæлæ сын цæрæнуæттæ ныр дæр нæ радтой. Уæ зæрдыл уын лæууын кæнæм 2 минæм азты райдиан программæмæ бацыд сæдæгай бинонтæ сæ сывæллæттимæ, фæлæ дзы сæ фылдæр афтæ дæр ног фатеры не рцардысты.
Сайд адæм рацыдысты хицауады хæдзары цурмæ. Се ппæт дæр 10 азы размæ бафыстой æхца, фæлæ сын цæрæнуæттæ ныр дæр нæ радтой. Уæ зæрдыл уын лæууын кæнæм 2 минæм азты райдиан программæмæ бацыд сæдæгай бинонтæ сæ сывæллæттимæ, фæлæ дзы сæ фылдæр афтæ дæр ног фатеры не рцардысты. Цалынмæ æнхъæлмæ касынц, уæдмæ сæ цот рахъомыл сты, бинонтæ та æрыгæттыл нымад нал сты. Сæ ныфсытæ æвæрдтой 2008-æм азмæ. Уæдæй нырмæ сын зæрдæтæ æвæрдтой цалдæр хатты, фæлæ бинонтæ ныронг сты сайды бынаты.
Фæсивæдон программæты разамонæг Бæйцаты Тимур адæмæн зæрдæ бавæргæйæ бацыд хицауады хæдзармæ æмæ сæм нал рацыд. Фæстæдæр сæм байхъуыста хицауады сæрдары хæдивæг Базраты Валентин æмæ сын зæрдæ бавæрдта ацы фарста алыг кæнынæй. Стæй сæм фæсидт, цæмæй ахæм бæрнон фарстайы тыххæй ныхас кæной æндæр уавæрты.
темæмæ гæсгæ
