Ууыл ныхас цыд, бюджетон проекттæ аразыны къамисы æмбырды
Нысанмæ арæзт чи нæу, ахæм финансон æххуысы бæрц республикæйæн хæстæгдæр æртæ азмæ суыдзæн 15 миллиард сомæй фылдæр. Ууыл ныхас цыд, бюджетон проекттæ аразыны къамисы æмбырды. Æфтиæгты прогноз, федералон нысанон фæрæзтæ нæ хынцгæйæ, 2026-æм азы уыдзæн 38 миллиард сомæй фылдæр. Хъалонты æмæ æнæхъалон æфтиæгты бæрц республикæйы бюджетмæ хъуамæ уа 23 миллиард сомы онг. Фыццаджыдæр сбæрæг кодтой, социалон хæстæ æххæст кæнынæн хæрдзтæ. Уыдонмæ хауынц куысты мызд, æнæмæнг медицинон фæдзæхстад, социалон пособитæ æмæ хицæн категориты адæмæн фиддонтæ. Се хсæн – сæрмагонд æфсæддон операцийы архайджытæ, фæкæсынхъуаг бинонты скъоладзауты, æмæ йе нæниздзинад хъыгдард кæмæн у, ахæм сывæллæтты тæвд хæринагæй æххæст кæнын.
