Цæгат Ирыстоны сгуыхт нывгæнæг Кæркуысты Роберты персоналон равдыст байгом республикæйы нывгæнджыты равдыстыты залы. Фенæн дзы ис авторы фæстаг 4 азы куыстытæй 60-йæ фылдæр.
Цæгат Ирыстоны сгуыхт нывгæнæг Кæркуысты Роберты персоналон равдыст байгом республикæйы нывгæнджыты равдыстыты залы.
Фенæн дзы ис авторы фæстаг 4 азы куыстытæй 60-йæ фылдæр. Се хсæн
циклтæ: «Æрвылбоны структурæтæ», «Горизонттæ», «Фæззæджы сызгъæрин».
Сеппæт дæр конд сты акрилон ахорæнтæй æмæ маслойæ. Кæркуысты Робертæн
ацы равдыст у дыккаг æмæ ахæсдзæн мæйы бæрц. Равдысты уыд не
сфæлдыстадон къорд дæр.
Ацы
равдыстмæ Ирыстоны аивадуарзджытæ рагæй æнхъæлмæ кастысты. Кæркуысты
Роберты чи зоны, уыдон та уæлдайдæр. Уæвгæ, йæ куыстытæ æвдзухдæр хицæн
кодтой иннæтæй, се ппæты хсæн бæрæг дарынц.
Козаты Ушанг, УФ-йы сгуыхт нывгæнæг: «Æз
æй рагæй зонын Роберты. Æмæ уыцы рæстæгмæ цалдæр ивды акодта йе
сфæлдыстад. Йæхи фæлвæрдта алы жанрты. Æмæ мæ бон зæгъын у алы хатт дæри
у уыд тынг курдиатджын. Афтæ куы зæгъон æмæ Роберты хуызæн нывгæнджытæ
гыццыл ис, уæд раст уыдзынæн. Йæ фæстаг куыстытæ та сты уæлдай
цымыдисаг. Зын бамабарæн сты æмæ сæ бирæтæ æмбаргæ дæр нæ кæнынц. фæлæ
мæнæн мæ бон фидарæй зæгъын у – сты тынг куырдиатджын».
Кæркуысты Роберт нывкæнынады куыст кæны
30 азы бæрц. Гыццылæй нырмæ йæ фæндыд йе нкъарæнтæ, йæ миддуне алыхуызон
ахорæнты хуызы равдисын. Ныр йæ уды сусæгдзинæдтæ раргом кодта.
Нывгæнджыты цæдисы равдыстыты залы йын байгом хи равдыст. Бацæттæ йæм
кодта 60 куыстæй фылдæр.
Мæргъиты Таймураз, РЦИ-Аланийы
нывгæнджыты цæдисы сæрдар: «Нæ аивадуарджытæ тынг рагæй æмæ зæрдиагæй
æнхъæлмæ кастысты ацы равдыстмæ. Ныр бирæтæн æхсызгон уыдзæн йæ куыстытæ
фенын. Кæркуысты Роберт у зындгонд нывгæнæг. Йæ нывтæ рæсугъд сты æмæ
цæуынц кæстæрты зæрдæтæм дæр, хистæрты дæр».
Ацы нывтæ сты, Роберт фæстаг 5 азы кæуыл
бакуыста, уыдон. Сæ фылдæр сты абстракционизмы æмæ авангардизмы жанрты
конд, фигуративон композицитæ.
Хетæгкаты Аслан, РЦИ-Аланийы сгуыхт
нывгæнæг: «Ирыстоны аивад размæ кæны æмæ йын æгайтма æнтысы. Курдиатджын
нывгæнæг у куыд колорист, афтæ дзæбæх рисовальщик дæр у. Æмæ йын бирæ
бантысæд».
Ацы равдыст Кæркуысты Робертæн у дыккаг.
Ныртæккæ та хъуыды кæны æмæ цæттæ кæнын райдыдта ног равдыст. Конд
уыдзæн ассоциативон нывкæнынады хуызы.
