Мæскуыйы арæзт æрцыд, ирон нывгæнæг кæм архайы, ахæм радон равдыст
Йæ нывтæ йын фенæн ис Уæрæсейы æмæ Европæйы музейты æмæ, нывкæнынадæн стыр аргъ чи кæны, уыцы адæмы сæрмагонд коллекциты. Легендарон триптихтæ «Фарн», «Реквием по Беслану» – йы автор. Намысы мемориалы Кавказы хæсты истори æмæ мозаикæ «Стена памяти». Нывгæнæг Цæллагты Викторы куыстыты равдыст арæзт æрцыд Федерацийы Советы, проект «Лики братства»-йы проекты фæлгæты. Чехойты Фатимæйæн ныхасы бар.
44 нывæй арæзт экспозици. Алкæцыдæр сæ конд у хицæн техникæйæ. Проект «Лики братства» æххæстгонд цæуы Цæгат Ирыстоны алы азты хъайтарты кадæн. Уыдон сты Фыдыбæстæйы Стыр хæсты ветерантæ æмæ сæрмагонд æфсæддон операцийы архайджытæ дæр. Равдысты архайæг Уæрæсейы сгуыхт нывгæнæг Цæллагты Викторы ныхæстæм гæсгæ, нывтæй иуæн ис сæрмагонд нысаниуæг. «Благая весть»- ы фыст у йæ фыд Цæллагты Хъасполаты æфсæддон мысинæгтæм гæсгæ. Фыдыбæстæйы Стыр хæсты азты хæцыд Керчы. Нывы æвдыст сты хæстон лæг æмæ йæ *мбæлттæ, уацары уæвгæйæ.
Мæскуыйы арæзт æрцыд, ирон нывгæнæг кæм архайы, ахæм радон равдыст. Йæ куыстытæ систы экспозици «Уалдзæг, Ирыстон, уарзондзинад» -ы хай. Равæрдтой дзы 39 куысты национ æууæлтæй æххæст æмæ абстракцийы хуызы фыст. Æрмдæсныйы сфæлдыстады бæрæг у францусаг тематикæ дæр. Зæгъæм, ирон нывгæнæджы цæстæй кæсгæйæ Париж алы хатт дæр рауайы алыхуызон: Францийы сæйраг горæт вæййы куы лирикон, куы хуымæтæг хæдзарон. Лувры къæсæртæ, Скæсæны музей, Вашингтоны монумент – йе *нкъарæнты хай Парижы куы куыста, уыцы рæстæгæй, Цæллагты Виктор равдыста нывкæнынады.
Йæ куыстытæ йын ис базонæн. Йæ графикæ æмæ нывкæнынад сты магийæ æххæст. Алы куысты дæр – арф хъуыды. Æрмæст нывкæнынад нæ равзары. Йе сфæлдыстадон æрмдзæф хицæн кæны сæрмагонд техникæйæ æмæ тыгъдад лыстæг æнкъарынадæй. Легендарон триптихтæ «Фарн», «Реквием по Беслану», Кавказы хæсты истори. Цæллагты Виктор у Намысы мемориалы «»Мысинæгты къулы» автор. Йæ куыстытæ бæттынц ивгъуыд азтæ æмæ нырыккон цард. Афтæмæй, нывгæнæг хъахъхъæны историон цаутæ.
Нывгæнæг куыд нымайы, уымæ гæсгæ æрмдзæф хъуамæ уа бæстон, æрмдæсныйад æмæ аивады арæнтыл кафты хуызæн. Йæ куыстытæ йын фенæн ис Цæгат Ирыстоны музейты, Уæрæсейы æмæ фæсарæнты хи коллекциты. Цы ахорæнты хуызтæй пайда кæны, уыдонæн, нотæты хуызæн, ис иу зæлынад авторы миддунеимæ. Цæллагты Викторы ныхæстæм гæсгæ, цавæрфæнды тыгъдад дæр арф æмæ хъуыдыджын свæййы æрмæстдæр хуызджын ахорæнты руаджы. Уыцы æмбарынад зæрдæмæдзæугæ у, йе сфæлдыстадæн ын стыр аргъ чи кæны, уыдонæн.
