Жюрийы, куысты хатдзæгтæм гæсгæ, фылдæр баллтæ кæмæ сæмбырд, уыцы нывгæнджыты сбæрæг кодтой 4 номинацийы
Нывгæнджыты Цæдисы равдыстыты залы кадджын уавæры хорзæхгонд æрцыдысты конкурс «2025-æм азы вернисаж»-ы уæлахиздзаутæ. Жюрийы, куысты хатдзæгтæм гæсгæ, фылдæр баллтæ кæмæ сæмбырд, уыцы нывгæнджыты сбæрæг кодтой 4 номинацийы: «Нывкæнынад», «Графикæ», «Скульптурæ» æмæ «Декоративон-æрмдæсныйады аивад». Лауреаттæ райстой дипломтæ æмæ æхцайы премитæ. Æрвылазон равдыст-конкурс у Цæгат Ирыстоны нывгæнджыты афæдзы куысты хатдзæг. Равдыст аивгонд у портреттæй, натюрморттæй æмæ пейзажтæй. Хистæр, астæуккаг æмæ кæстæр кары æрмдæснытæ аккаг æмвæзадыл равдыстой Цæгат Ирыстоны профессионалон сфæлдыстад. Экспозицимæ хаст æрцыди 70 куыстæй фылдæр. «Афæдзы вернисаж» ныр бирæ азты арæзт цæуы конкурсон форматы.
