филиал вгтрк государственная телерадиовещательная компания “Алания”

Офицерты хæдзары байгом ис проект «Мысыны фæндаджы» информаци æмбырдгæнæн пункт. Байгом сæ кодтой республикæйы посты хайæдты æмæ æфсæддон къамисарадты. Алы цæрæджы бон дæр у æрбахæссын, хæсты йын чи уыдис, уыцы хæстæджы къам кæнæ фыстæджытæ. Уыдонæй спайда кæндзысты, хæсты тыххæй мозаикон нывтæ аразгæйæ. Фенæн сæ уыдзæнис Уæрæсейы гæрзифтонг тыхты сæйраг аргъуаны. Къамæй уæлдай хъæуы фæбæрæг кæнын, хæстоны ном æмæ мыггаг, стæй йæ райгуырды аз. Ныртæккæ нымæцон хуызмæ раивынæн радтой дыууын æртæ мин къамы æмæ фыстæджы. Галерей байгом уыдзæнис майы. Проект æххæстгонд цæуы Уæрæсейы хъахъхъæнынады министрады æххуысæй.