22 скъоладзауы фæархайынц хъæуы æппæт бæрæгбæтты æмæ республикон фестивальты
Ольгинскæйы афæдзы *рдæг кусы сывæллæтты хор. 22 скъоладзауы фæархайынц хъæуы æппæт бæрæгбæтты æмæ республикон фестивальты. Коллективæн ис йæхи репертуар. Репетицитæй иу бабæрæг кодта не сфæлдыстадон къорд. Бæлвырддæр радзурдзæн Чехойты Фатимæ.
Æрмæст зарын нæ, фæлæ кæрæдзийы хъусын. Ольгинскæйы сæрды фæзынд сывæллæтты хор. 22 хъæлæсы. Тæрханаты Аслæнбег – сфæлдыстадон къорды 2 лæппуйæ иу. Ардæм æй дыууæ азы размæ йæ мад æрбахуыдта. Йæ зæрдæмæ афтæ тынг фæцыд æмæ йæ бафæндыд ам баззайын. Вокалæй ахуыртæ никуы фæуадзы.
Хор у хъæуы æппæт бæрæгбæтты æмæ республикæйы фестивальты архайæг. Сывæллæттæн хуымæтæг сфæлдыстадон къорд нæу. Ам ахуыр кæнынц хиуыл хæцыныл, хъусын æрмæст сæхи нæ, фæлæ сæ фарсмæ чи лæууы, уыдоны хъæлæстæ дæр. Репертуары ис 10 зарæджы. Фылдæр советон классикæ, стæй, æнæмæнг, ирон зарæг.
Вокалы ахуыргæнæг Сидахъаты Азæмæты ныхæстæм гæсгæ, кусын райдыдта алы сывæллонимæ дæр хицæнæй. Фæлæ хоры архайджыты нымæц фылдæрæй фылдæр куы кодта, уæд ын рæстæг нал уыд, æмæ сфæнд кодта хор заразын. Репетицитæ цæуынц къуыри дыууæ хатты.
Ольгинскæйы хор афæдзы *рдæджы размæ фæзынд. Йæ историйы йын фыссынц аивадмæ æмхиц 22 сывæллоны.
