58-æм æфсады штабы райдыдта командæгæнджыты æрвылазон ахуырты дыккаг къæпхæн.
Олимпаг хъæзтытæ æфсæддонтæн. 58-æм æфсады штабы райдыдта командæгæнджыты æрвылазон ахуырты дыккаг къæпхæн.
Хуыздæрты равзæрстой конкурсы фыццаг къæпхæны. 58-æм æфсады æппæт хайæдты офицертæ дыууæ къуырийы æвдисынц сæ цæттæдзинад 4 компетенцимæ гæсгæ: дугъы уайынæй, уæзæгтæ исынæй, эстафетæйæ æмæ мысан æхсынæй. Æфсады командæгæнæджы æххуысгæнæг куыд радзырдта, афтæмæй азæй-азмæ ахуырты архайджыты нымæц кæны фылдæр. Уый баст у уыимæ, æмæ ацы ерысты фæрцы æфсæддонтæн фæфылдæр вæййынц куыд сæ теоретикон, афтæ сæ практикон зонындзинæдтæ дæр. Ныр æфсæддонтæм разæй æнхъæлмæ кæсынц ерысты Хуссар æфсæддон зылды æмæ æппæтуæрæсеон ерыстæ. Фæстаг къæпхæн уыдзæн ноябры, Мæскуыйы. Æфсæддонтæ тох кæндзысты хъахъхъæнынады министрады кубок рамбулыныл.
