филиал вгтрк государственная телерадиовещательная компания “Алания”

Паддзахадон æвзæгты тыххæй закъон хъуамæ куса ирон адæмы иудзинадыл. Уыимæ традицитæ æмæ культурæ хуыздæр æмбарынæн. Ацы темæйыл æрныхас кодтой ирон æзваг бахъахъхъæныны æмæ йæ рæзты къамисы æмбырды. Республикæйы Сæргълæууæг Сергей Меняйло куыд радзырдта, афтæмæй æхсæнадон организацитæй æмæ республикæйы цæрджытæй цæуынц курдиæттæ. Адæм зæгъынц, ахæм закъон канд юридикон акт нæ уыдзæн, фæлæ ма фадат ратдзæн  ирон æвзаджы рæзтæн æмæ уый фæдыл ахсджиаг куыст кæнынæн дæр. Сфидар кодтой кусæг къорды хыгъд. Уый цæттæ кæндзæн закъоны проект. Республикæйы разамонæг куыд бафиппайдта, афтæмæй закъон хъуамæ уа ахадгæ. Уый размæ та хъуамæ цæуа æргом æмæ ахадгæ куыст.