Стыр æргом здахынц, административон ивартæ чи нæ фиды, æмæ фæндаггон змæлды домæнтæ æмæ фæтк чи халы, уыдонмæ.
Паддзахадон автоинспекцийы кусджытæ æмæ тæрхондоны пъырыстыфты службæйы кусджытæ республикæйы территорийы иумæ аразынц профилактикон мадзал «Хæсджын». Стыр æргом здахынц, административон ивартæ чи нæ фиды, æмæ фæндаггон змæлды домæнтæ æмæ фæтк чи халы, уыдонмæ. Хæсджын шофырты иртасынц аппаратон-программон комплекс «Тæрхондоны пъырыстыф»-ы æххуысæй. Дыууæ ведомствойы кусджытæ аразынц профилактикон куыст дæр. Машинæты хицæуттæн дзурынц, хæстæ куы нæ фидой, уæд уый цæмæ расайы, уый тыххæй. Паддзахадон автоинспекцийы кусджытæ ма сидынц шофыртæм, цæмæй сæ ивартæ фидой афоныл. Уымæн стыр æххуыс у паддзахадон лæггæдты иумæйаг портал æмæ Уæрæсейы Мидхъуыддæгты министрады фæндæгтыл æдасæй цæуыны паддзахадон инспекцийы официалон сайты сæрмагонд хай.
