Сылгоймæгтæн сарæзтой æхсызгон бæрæгбон. Машинæтыл цæуæг сылгоймæгтыл æмбæлыдысты хъарм ныхæстимæ, зæрдиаг арфæтимæ, лæвар сын кодтой рæсугъд дидинджытæ.
Сылгоймæгтæн сарæзтой æхсызгон бæрæгбон. Машинæтыл цæуæг сылгоймæгтыл æмбæлыдысты хъарм ныхæстимæ, зæрдиаг арфæтимæ, лæвар сын кодтой рæсугъд дидинджытæ.
Акци «Автоледи»-йы рæстæг ма инспектортæ сбæрæг кодтой, фæндæгтыл æппæтæй хуыздæр чи цæуы, æмæ æдасдзинады домæнтæ чи æххæст кæны, уыдоны. Уæвгæ, статистикæ куыд амоны, афтæмæй, сылгоймæгты аххосæй фæндаггон фыдбылызтæ къаддæр æрцæуынц. Машинæтæ кæмæ ис, уыцы сылгоймæгты нымæц азæй-азмæ рæзы. Æрмæст ацы азы райдианæй машинæтыл цæуынæн бардæттæг гæххæттытæ Цæгат Ирыстоны райстой 500 сылгоймаджы.
Абон сын сæ рæсугъддзинады, сæ фæлмæндзинады æмæ сæ бæрæгбоны тыххæй иууылдæр кæнынц арфæтæ.
Хъамбегаты Зауыр, РЦИ-Аланийы паддзахадон автоинспекцийы 2-аг батальоны командæгæнæджы хæстæ æххæстгæнæг: «Арфæ кæнын сылгоймæгтæн. Уæздан шофыртæ сты, æмæ ма афтæ уæзданæй канд Ирыстоны фæндæгтыл нæ, фæлæ æппæт фæндæгтыл дæр куыд цæуой, ахæм арфæ сæ уæд».
