Фæндаггон фыдбылызты амæттæгты æппæтдунеон мысæн бонимæ баст акци «Ратт туг æмæ бахъахъхъæн цард» аразы нæ республикæйы паддзахадон автоинспекцийы управлени.
Тугдæттæн станцæмæ фæндаггон пъæлицæйæгтæ
Фæндаггон фыдбылызты амæттæгты æппæтдунеон мысæн бонимæ баст акци «Ратт туг æмæ бахъахъхъæн цард» аразы
нæ республикæйы паддзахадон автоинспекцийы управлени.
Тугдæттæн станцæмæ фæндаггон
пъæлицæйæгтæ цæуын райдыдтой райсомæй. Сæ фыццæгтæй иу уыд
автоинспекцийы хицау Беккуызарты Хасанбег. Акци цæудзæн цалдæр боны. Ныр
ма уал сæ туг радтой 30 пъæлицæйаджы. Нæ уацхæссæгæн куыд радзырдтой,
афтæмæй арæх фенынц фæндаггон фыдбылызы бахауджыты уавæр æмæ ацы
хъуыддагмæ стырзæрдæ не сты. Бæрæггæнæнтæм гæсгæ 10 мæймæ нæ
республикæйы æрцыд 600 фæндаггон-транспортон цауы. Уый фаронимæ абаргæйæ
у 97% фылдæр. Фæндаггон цауты фæмард 87 адæймаджы, иу минæй фылдæр
фесты алы хуызон цæфтæ. Ацы акцийы фæрцы пъæлицæйæгты фæнды адæмы æргом
раздахын фæндæгтыл æдасдзинады фарстамæ.
Гагиаты Алексей: «Нæхи хсæн
бафиппайдтам, цæмæй туг радтæм æмæ фыдбылызы чи фæцæфтæ ис, уыдоны
уавæртæм æркастыстæм æмæ сæ æнæниздзинад куыд фæхуыздæр уа, уый тыххæй
абон паддзахадон автоинспекцийы кусджытæ сæхи фæндæй æрбацыдысты æмæ туг
радтой сæ æнæниздзинад куыд фæхуыздæр уа, уый тыххæй».
