Инспектортæ, адæмон дружинæты бархионтæ æмæ студенттæ иумæ фистæгæйцæуджытæн дзырдтой, дзаумæттыл рухсгæнæнтæ куыд ахсджиаг сты, уый тыххæй
Фæндæгтыл æдасæй цæуыны паддзахадон инспекцийы кусджытæ Дзæуджыхъæуы расидтысты акци «Световозвращатель дарит свет жизни». Базарадон центр «ЦУМ»-ы раз инспектортæ, адæмон дружинæты бархионтæ æмæ хæххон аграрон паддзахадон университеты студенттæ иумæ фистæгæйцæуджытæн дзырдтой, дзаумæттыл рухсгæнæнтæ куыд ахсджиаг сты, уый тыххæй. Уый фæрцы адæм изæрыгон фæндагыл уыдзысты æдасдæр. Паддзахадон инспекцийы кусджытæ ма горæты цæрджытимæ кодтой профилактикон ныхас дæр. Сæ зæрдыл сын æрлæууын кодтой, фæндаджы сæрты хизын кæй хъæуы сæрмагонд рæтты. Талынг рæстæг та уæлæдарæсыл хъæуы рухсæздахæг фæрæзтæ бакæнын, уымæн æмæ шофыртæн арæх фистæгæйцæуджыты зын бафиппайæн вæййы. Акцийы архайджытæн байуæрстой рухсдæттæг брелоктæ æмæ фæндагыл хи дарыны тыххæй зæрдылдарæн фыстæджытæ.
