Специалисттæ республикæйы федералон фæндæгтыл скодтой профилактикон акци «Æдас сæрдыгонд рæстæг»
Фæндæгтыл æдасæй цæуыны паддзахадон автоинспекцийы минæвæрттæ та ногæй шофырты зæрдыл æрлæууын кодтой, сывæллæттæ ласыны æдасдзинады фæтк. Специалисттæ республикæйы федералон фæндæгтыл скодтой профилактикон акци «Æдас сæрдыгонд рæстæг». Мадзалы сæйраг нысан – фæндаггон змæлды æгъдæуттæм куыдфæндыйы цæстæй чи кæсы, ахæм ныййарджыты ргом раздахын, æмæ сын бамбарын кæнын сæ сывæллæтты цы тæссаг уавæры æвæрынц, уый. Барадхъахъхъæнджытæ шофыртæн радтой зæрдылдарæнтæ, фыст дзы ис сывæллонимæ фæндаггон змæлды æдасдзинады мадзæлттæ. Стæй, æдасдзинады рæттæ æмæ креслæтæй раст куыд пайда кæнын хъæуы, уый. Инспектортæ куыд загътой, афтæмæй креслæ кæнæ хæрз гыццыл бæлццæттæн æдасдзинады фæрæзтæ æлхæнгæйæ, æппæты фыццаг кæсын хъæуы хъæрзхъæддзинады сертификатмæ. Барадхъахъхъæнджытæ фæсидтысты шофыртæм, цæмæй сабиты ласгæйæ хынцой боныхъæды уаврæтæ дæр.
