филиал вгтрк государственная телерадиовещательная компания “Алания”

Паддзахадон Думæйы депутат, Хæрзаудæн фонд «Фарн»-ы сæргълæууæг Мæхъиты Зураб расидт фæндзæм æрвылазон сфæлдыстадон конкурс «Осетия в сердце моем». Бацархайын дзы сæ бон у республикæйы скъолаты ахуырдзаутæн. Йæ сæйраг нысан у  мадæлон æвзагмæ уарзондзинад равдисын. Цавæр хуызы, уый равзарын у алкæйы бон.  Конкурсы ис  æртæ номинацийы: «Хуыздæр Эссæ мадæлон æвзагыл», «Хуыздæр хи ныффыст æмдзæвгæ», скæнын Ирыстон куыд уарзыс, уыцы темæйыл ныв.  Алы номинацийы дæр сбæрæг кæндзысты хуыздæрты æмæ сын лæвæрд æрцæудзæн лæвæрттæ.  Дыккаг аз конкурс, эпидеми хынцгæйæ, арæзт цæуы онлайн хуызы.  Куыстæ æрбарвитын хъæуы  электрон æгъдауæй  30-æм ноябрьмæ.