30 декабря 2021, 12:02
Паддзахадон Думæйы депутат, рæдау зæрдæйы хицау, Мæхъиты Зураб барухс кодта республикæйы сабиты зæрдæтæ
Цæгат Ирыстоны мин сывæллоныл сæмбæлдыстысты Ног Азы лæвæрттæ
Куыд æрвылаз афтæ та ныр дæр Паддзахадон Думæйы депутат, рæдау зæрдæйы хицау, Мæхъиты Зураб барухс кодта республикæйы сабиты зæрдæтæ. Цæгат Ирыстоны мин сывæллоныл сæмбæлдыстысты Ног Азы лæвæрттæ. Æппæт районты цæрæг бирæсывæллонджын æмæ фæкæсынхъуаг бинонтæм сæ фæхæццæ кодтой Иугонд Уæрæсейы районты хайæдты минæвæрттæ. Дыгуры районы байуæрстой 130 лæвары. Æнæнхъæлæджы æрхъуыдыдзинадæй æхсызгондæр ма цы уа. Фæлæ Мæхъиты Зурабы лæвæрттыл та сахуыр сты сабитæ æмæ сæм зæрдиагæй фенхъæлмæ кæсынц. Афæдзы диссæгты бæрæгбон циндзинад хæссæг кæй у, уый та Зурабы фæрцы, радон хатт, банкъардтой Ирыстоны сабитæ.
темæмæ гæсгæ