Дыгуры районы æвзарæн участокты æвæрынц видеоцæстдарды камерæтæ
Паддзахадон думæмæ æвзæрстытæм цæттæгæнæн куыстытæ бацыдысты сæ тæмæны. Дыгуры районы æвзарæн участокты æвæрынц видеоцæстдарды камерæтæ. Эксперттæ куыд зæгъынц, афтæмæй уый хъæуы, цæмæй хъæлæс кæныны процедурæ цæуа æргом æмæ алкæмæн дæр æмбæрстгонд. Специалистты хъуыдымæ гæсгæ видеоцæстдарды системæ кусдзæн æхсæвæй-бонæй. Уыимæ, цалынмæ æвзæрстытæ цæуой, уæдмæ. Касаты Наирæ радзурдзæн бæлвырддæр.
Видеокамерæтæ цæттæ сты сæ хæстæ æххæст кæнынмæ. Хъæуы сæ хъæлæс кæныны 3 боны камерæмæ сисын, уыимæ, цæмæй дзы мацы ферох кæной, афтæ. Цæмæй техникæ цас хъæуы, уый бæрц бацæттæ кæной, уый тыххæй дзуапдæтджытæн рагагъоммæ радтой бæстыхæйтты схемæтæ. Сæвæрын сæ хъæуы, цалдæр объектыл куыд æххæсой, афтæ.
Техникæ хъуамæ куса æнæкъулымпыйæ. Æртæ боны дæргъы æвзарæн хайæдты рад хæсдзысты Ростелекомы кусджытæ.
Трансляцитæм кæсдзысты, æвзæрстытæм сæ цæст кæм дардзысты, уыцы центрты. Ифтонггонд уыдзысты видеосистемæйæ. Уыдзæн дзы алы уавæртæ, æвзæрстытæ æргом æмæ æнæаиппæй арвитытæн. Кусджыты сæрмагонд цæстдарæн порталмæ бацæуын æмæ хи цæстæй хъуыддагмæ кæсыны фадат уыдзæни политикон партиты уæнгтæн дæр. Æвзарæн хайæдты техникон ифтонгдзинадмæ æрмæст камерæтæ нæ хауынц. Процедурæйæн дзуапп чи дæтты, уыдон хъуамæ кæсой æдасдзинадмæ дæр. Æвзарæн хайады æвæрд æрцыди домофонтæ, бахъуаджы рæстæгæн дзы ис сæрмагонд сигналдæттæг фæрæзтæ дæр. Цæгат Ирыстоны видеоцæстдарды фæрæзтæй ифтонггонд уыдзысты 335 радхæссæг æвзарæн къамисы. Хъæлæс кæнынæй иу бон раздæр та арæзт æрцæудзæн æппæтуæрæсеон тренировкæ. Партитæн сæхицæн фадат уыдзæни системæ тесты хуызы бафæлварын.
