09 августа 2024, 12:08
Паддзахадон филармонийы арæзт æрцыд мюзикл «Фатимæ»-йы репетици
Режиссер у Дарья Борисова
Паддзахадон филармонийы арæзт æрцыд мюзикл «Фатимæ»-йы репетици. Йæ саразыныл бакуыста продюсер Хабыцты Хъазыбег. Мюзиклы архайдзæн 100 адæймаджы онг. Солисттæй дарддæр ма дзы архайдзысты республикæйы ансамбльтæ дæр. Æдæппæтæй постановкæйы уыдзæн 30 музыкалон номыры. Режиссер у Дарья Борисова. Ныртæккæ райдыдтой сценикон костюмтæ хуыйын æмæ декорацитæ аразын. Поэмæ «Фатимæ» Хетæгкаты Къостайы сфæлдыстады ахсы сæйрагдæр бынат. Фыст æрцыд 1889-æм азы. Мюзиклы премьерæ нысангонд æрцыд октябрьмæ. Къостайы райгуырды 165 азы бонмæ.
темæмæ гæсгæ
