Архайдтой дзы Цæгат Ирыстоны дзыллон информацион алы фæрæзты минæвæрттæ
Паддзахадон телерадиокомпанийы минæвæрттæ систы республикæйы сæргълæууæджы æрвылазон премийы лауреаттæ. Архайдтой дзы Цæгат Ирыстоны дзыллон информацион алы фæрæзты минæвæрттæ. 180 куыстæй равзæрстой 14, уыдонæй 4 сты не мкусджытæ. Кадджын мадзалы тыххæй бæлвырддæр радзурдзæн Моргуаты Ладæ.
Телеуынынад, радио, мыхуыры рауагъдад, интернет-порталтæ. Традицимæ гæсгæ конкурсы архайынц æппæт дзыллон информацион фæрæзты кусджытæ. Республикæйы сæргълæууæджы преми райсыны фæдыл конкурс арæзт цæуы 5-æм хатт. Æмæ хуыздæрты схорзæхджын кодта йæхæдæг. Битарты Вячеслав фæнысан кодта, ацы зын рæстæг куыд ахадгæ уыд сæ архайд
14 лауреаты хсæн 4 сты не мкусджытæ. Номинаци «Пъеройы фæлварæн»-ы рамбылдта Рæмонты Тамерлан, «Кад æмæ намысы» Дзугаты Нэлли, «Уæрæсейы афæдзы тема – номарæн æмæ намысы аз»-вы та хуыздæрыл нымад æрцыдысты Паддзахадон телерадиокомпани «Алани»-йы сæрмагонд уацхæссæг Наталия Фрейберг æмæ радиойы редактор Баллаты Маргаритæ.
Æрвылазон премийы лауреаттæ алы номинациты систы национ телеуынынад «Осетия-Ирыстон», газет «Северная Осетия», «Вести Дигории», «Размæ» æмæ Хуссар Ирыстоны газет «Республика»-йы минæвæрттæ, информацион портал «15-æм регион», стæй республикæйы культурæйы сгуыхт кусæг Къомайты Лидия.
Конкурсы архайынмæ лæвæрд уыд 180 куысты. Се ппæт дæр уыдысты бæрзонд æмвæзадыл, уымæ гæсгæ хуыздæртæй хуыздæры равзарын æнцон хъуыддаг нæ уыд, зæгъынц къамисы уæнгтæ.
Цард цæуы æмæ фарн хæссы, уый та ууыл дзуры, æмæ та фидæны дæр журналисттæн уыдзæн, цæуыл дзурой æмæ фыссой, уый.
