Нарты кадджыты скульптурæты алыварс сцалцæг кæндзысты къахвæндаджы хай
Парк «Нæртон»-ы кæронмæ фæхæццæ кæнынц æхсæнадон зонæ аивгæнæн куыстытæ. Нарты кадджыты скульптурæты алыварс сцалцæг кæндзысты къахвæндаджы хай. Рæхджы парчы фæндæгтыл тезгъо кæндзысты горæты цæрджытæ æмæ туристтæ. Баззад ма аивгæнæн куыстытæ бакæнын. Фæллойгæнджытæ фæвæййынц асфальт æвæрын. Бакуыстой алы лыстæг хъуыддæгтыл дæр.
Парк адих кодтой цалдæр фæзыл. Ныртæккæ аразджытæ аив кæнынц къахвæндæгтæ. Спортивон цардыуаг чи уарзы, уыдонæн скæндзысты хæрзхъæд къахвæндæгтæ. Хæстæгдæр бонты сæвæрдзысты рухсгæнæнтæ. Уæлдай æргом аздахдзысты тезгъогæнæн зонæмæ. Уым нысан кæнынц 25 бандоны æмæ бырæттæн урнæтæ сæвæрын. Æппæт цалцæггæнæн куыстытæн фæрæзтæ радих кодтой муниципалон бюджетæй. Стæй ма иу ногдзинад – интерактивон тезгъогæнæн маршрут. Фæлладуадзæн зонæмæ бахизгæйæ фæзындзысты сæрмагонд плакаттæ QR-кодтимæ. Афтæмæй горæты цæрджытæн фадат уыдзæн парчы интернет-сыфмæ бацæуынæн, æмæ рагон хъайтарты, стæй сæ хъæбатырдзинæдты тыххæй радзырдтæм байхъусынæн.
