филиал вгтрк государственная телерадиовещательная компания “Алания”

Парламенты сæрдар Алексей Мачнев æмæ горæты мэр Дзантиаты Сергей бабæрæг кодтой, Китайаг фæзы цур цы ног æнæниздзинад фидаргæнæн комплекс байгом, уый.

Кадджын мадзалы йæ байгом кодтой мæй размæ. Ам алцы дæр арæзт цæуы горæты цæрджыты æнцойæн. Къахвæндæгтæ, Терчы былгæрон бадæн бынæттæ, спортивон тренажертæ, волеболæй хъазæн бынат æмæ сывæллæтты фæзуат. 50 метры дæргъæн бассейн. 70 сомы кæны хистæр кары адæмæн, 35 та сывæллæттæн. Алексей Мачнев æмæ Дзантиаты Сергей сбæрæг кодтой цады алыварс уавæр. Раздæр дзы уыд хи найæн, ныр та дзы горæты разамынды фæндонмæ гæсгæ фадат ис кæсаг ахсынæн æмæ бæлæгътыл тезгъо кæнынæн. Иннæ аз ардæм бауадздзысты карп,урс амур, сазан æмæ æндæр кæсæгтæ.

 

Хæстæгдæр хæдзæртты цæрджытæ бæрнон адæмæн загътой сæ хъуыды, цæмæй фæлладуадзæн бынатмæ цы уырдыг фæндаг цæуы, уымæ сæ цæст æрдарой. Автобусон фæрсуынгæй цы асинтæ цæуы, уыдон фæаивдæр кæной. Алексей Мачнев йе ‘ргом аздæхта суткæйы дæргъы фæзуат куыд хъахъхъæд цæуы, уымæ. Ныртæккæ барадон оргæнтæ ам вæййынц æрмæстдæр изæрыгон.