Депутаттæ хорзыл банымадтой ахуырады тыххæй федералон закъон. Амынд дзы ис, скъолаты ахуырадон пособитæ цæттæгæнгæйæ, ахуыргæнджыты хъуыдытæ хынцын.
Парламенты Совет æркасти цæрæнуæтты-коммуналон хæдзарады æмæ социалон политикæйы, стæй амалхъомдзинады къабæзты республикон æмæ федералон цалдæр проектмæ.
Депутаттæ хорзыл банымадтой ахуырады тыххæй федералон закъон. Амынд дзы ис, скъолаты ахуырадон пособитæ цæттæгæнгæйæ, ахуыргæнджыты хъуыдытæ хынцын. Ныртæккæ цы закъон ис, уымæ гæсгæ, ахуыргæнæндæтты администрацитæ æрмæг цæттæгæнгæйæ педагогты фæндонтæ не ххæст кæнынц. Закъоны проект куы ныффидар кæной, уæд чингуытæ æвзардзысты иумæйаг хъуыдымæ æрцæугæйæ. Æмбырды ма бæстонæй ныхас цыди, бæстæйы цæрджытæн социалон æгъдауæй æххуыс кæныны закъонмæ ивддзинæдтæ бахæссыныл. Бæлвырддæр та — бюджетон кусджыты, бирæсывæллонджын бинонтæ æмæ инвалидты фиддонтæм уæлæмхасæн фæрæзтæ фтауын. Уымæй уæлдай ивддзинæдтæ хаст æрцыди фæдзæхстадон пенситы закъонмæ дæр. Документмæ гæсгæ, 1-аг къæпхæны инвалидмæ чи кæсы, ахæм адæмæн сæ пенситæ хъуамæ дæттын райдайой æмгъуыдæй раздæр.
