Совет сразы административон барадхалæн миты тыххæй Кодексмæ ивддзинæдтæ бахæссыныл. Зæгъæм, зымæджы æнæ зымæгон цæлхытæй машинæйæ чи цæуа, уый хъуамæ æййафа æфхæрд, уымæн æмæ уый тæссаг у, канд йæхицæн нæ, фæлæ ма иннæ машинæты хицæуттæн, стæй фистæгæй цæуджытæн.
Совет сразы административон барадхалæн миты тыххæй Кодексмæ ивддзинæдтæ бахæссыныл. Зæгъæм, зымæджы æнæ зымæгон цæлхытæй машинæйæ чи цæуа, уый хъуамæ æййафа æфхæрд, уымæн æмæ уый тæссаг у, канд йæхицæн нæ, фæлæ ма иннæ машинæты хицæуттæн, стæй фистæгæй цæуджытæн. Растыл ма нымад æрцыд Бюджетон кодексмæ ивддзинæдтæ бахæссыны хъæппæрис. Уыдонмæ гæсгæ, инвалидтæн хъæугæ фадæттæ саразыны домæнтæ чи не ‘ххæст кæны, уыдоны ивар хъуамæ цæуа бынæттон бюджетмæ, раздæр та йæ иста федералон бюджет. Æркастысты ма закъоны проектмæ, цæмæй ногæй кусын райдайой изæрыгон ахуырадон кусæндæттæ. Уымæн æмæ «Ахуырады тыххæй» ног федералон закъоны нысангонд не ‘рцыдысты. Алексей Мачнев куыд бафиппайдта, афтæмæй Советон дуджы ахæм скъолатæ уыдысты ахсджиаг, ныр дæр адæмы хъæуынц, æмæ закъонмæ хъуамæ хаст æрцæуой ивддзинæдтæ. Совет æрдзырдта уырыссаг æвзаджы сыгъдæгдзинадыл дæр, æмæ сразы, цæмæй «Уæрæсейы Федерацийы паддзахадон æвзаджы тыххæй» закъоны нысангонд уой æфхæрæн мадзæлттæ, уырыссагау дзургæйæ, хъæуа-нæ хъæуа фæсарæйнаг ныхæстæй чи пайда кæна, уыдонæн.
Токаты Людмилæ, РЦИ-Аланийы Парламенты сæрдары хæдивæг: «Раздæр хъуыди ахæм закъон скæнын, цалынмæ уырыссаг æвзаг фæсарæйнаг ныхæстæй нæ байдзаг, уæдмæ. Фæлæ «æппын нæ»-йы бæсты абон дæр хорз у. Уырыссаг æвзаг сыгъдæг куыд уа, телеуынынады, газетты, радиойы æмæ æндæр рæтты фæсарæйнаг ныхæстæ дзурæн куыд нæ уа, афтæ. Кæмæ ма хауы ацы фарста? Æвæццæгæн, разамонджытæм, адæмимæ чи кусы, адæмы размæ чи цæуы, уыдонмæ. Уымæй уæлдай, скъолаты, институтты, техникумты ахуыргæнджытæм, дохтыртæм æмæ ма бирæтæм, уырыссаг æвзаг чи хъуамæ хъахъхъæна, æмæ, цы дзуры, ууыл хъуамæ чи хъуыды кæна, ахæмтæ».
