филиал вгтрк государственная телерадиовещательная компания “Алания”

«Фæсивæдæн насвай æмæ энергетикон нозт чи уæй кæны, уыдон хъуамæ цæуой карз æфхæрд» – ахæм хъæппæрис бахаста республикæйы сæргълæууæг Мамсыраты Таймураз.

Абон республикæйы Парламент рахæцыд йæ фарс. Куыд ма хъусын кодтам, афтæмæй фарон Паддзахадон Думæ сфидар кодта насвай уæй кæнын чи на уадзы, ахæм закъон. «Фæлæ уæддæр ахæм мадзæлттæ фаг не сты, хъæуы сæ фæкарздæр кæнын» – ахæм у Цæгат Ирыстоны сæргълæууæг æмæ Парламенты депутатты иумæйаг хъуыды. Ныр сæ хъæппæрис арвитдзысты федералон оргæнтæм. Йæ фарс ма рахæцыдысты Калугæйы депутаттæ дæр. Сæ домæнтæй иу у – цæмæй 18 азы онг макæмæн уæй кæной насвай, энергетикон æмæ карз нозт.

Кæд федералон оргæнтæ депутатты фарс рахæцой, уæд аххосджынтæ 500 мины бæсты ивар фиддзысты милуан сомы.