Фыццаг рæстæг цы хъæндзинæдтæ сбæрæг кодтой, уыдон лыггонд æрцыдысты
Парти «Иугонд Уæрæсе»-йы активисттæ скодтой мониторинг, йе *нæниздзинад хъыгдад кæмæн у, уыцы адæмæн хæдзæрттæм бацæуæнты æнцонвадат уавæртæ арæзт сты æви нæ, уый сбæрæг кæныны тыххæй. Ацы аз у дыккаг. Фыццаг рæстæг цы хъæндзинæдтæ сбæрæг кодтой, уыдон лыггонд æрцыдысты. Радон мониторинджы хатдзæгты тыххæй радзурдзæн Чехойты Фатимæ.
Мамсыраты Хаджумары номыл уынджы 83-æм хæдзары бацæуæнмæ Цæллагкаты Жаннæйæн æнæ искæй æххуыссæй йæ бон бахауæн нæ баци. Æппæт арæзтадон домæнтæм гæсгæ æхсæнадон бæстыхæйттæм йе *нæниздзинад хъыгдард кæмæн у, уыцы адæмæн хъуамæ уа æнцон бацæуæн. Зæгъæм, пандусы уырдыг хъуамæ 7 градусæй фылдæр ма уа. Ам раст конд нæу.
Проект «Единая страна – доступная среда» æххæстгæнгæйæ, партийы активисттæ федтой Дзæуджыхъæуы бæстыхæйтты уавæр. Радон хатт цæстдард æрцыд бацæуæнты схизæнтæм, фистæгæйцæуджыты къахвæндæгтæм æрхизæнтæм, стæй пандустæм. Семæ иумæ уыдысты цæрæнуæтты æмæ архитектурон-арæзтадон службæты минæвæрттæ. Республикæйы Парламенты депутат Цæллагкаты Жаннæ йæхæдæг сбæрæг кодта ног хæдзæрттæ цас æнцонвадат сты, уый.
Ацы аз мониторинг арæзт æрцыд дыккаг хатт. Фыццаг рабæрæг кодта бирæ хъæндзинæдтæ. Магкаты Зурабы номыл уынджы 83-æм хæдзары пандус уыд рацаразынхъуаг. Цæллагкаты Жаннæйы ныхæстæм гæсгæ, аразæг куыстуат курдиатмæ æркаст æмæ фарста лыггонд æрцыд.
Парти «Иугонд Уæрæсе» -йы минæвæрттæ бабæрæг кодтой Гагкайты Алиханы номыл уынджы ног цæрæнуæттæ. Хæдзæрттæ æрæджы сарæзтой. Куыд сбæрæг, афтæмæй ам йе *нæниздзинад хъыгдард кæмæн у, уыцы адæмæн уавæртæ æххæст кæнынц домæнтæн, чысыл хъæндзинæдтæй фæстæмæ. Дмитрий Кабацкийы ныхæстæм гæсгæ, фидæны ахæм мониторингты архайдзысты сæрмагонд æфсæддон операцийы ветерантæ дæр.
Цæрджытыл узæлын æмæ сын æнцонвадат царды уавæртæ аразын сты «Иугонд Уæрæсейы» адæмон программæйы сæйраг къабæзтæ. Мониторинг равдыста, ацы хъуыддаджы скæнын хъæуы егъау куыст. Цы хъæндзинæдтæ сбæрæг сты, уыдоны хыгъд лæвæрд æрцæудзæн цæстдарды оргæнтæм.
