Æркастысты Олимпаг парчы цалцæггæнæн куыстытæм
Парти «Иугонд Уæрæсе» скодта мониторинг. Æркастысты Олимпаг парчы цалцæггæнæн куыстытæм. Специалисттæ куыд зæгъынц, афтæмæй майы горæты цæрджытæн фадат уыдзæн ног аттракционтæм æрбацæуын. Уымæй уæлдай ма сбæрæг кодтой 14-æм скъолайы бындурон цалцæг, стæй æркастысты Доваторы уынджы кæртыты уавæрмæ. Цавæр хатдзæгтæ скодтой мониторинджы фæстæ партийы минæвæрттæ, уый тыххæй бæстондæр радзурдзæн Тъехты Элинæ.
Тагъд рæстæджы техникæ æмæ цалцæггæнæн мигæнæнты бæсты уыдзæн аттракционтæ. Олимпаг парчы цалцæггæнæн куыстытæ фæуыдзысты майы. Ныр дзы сæвæрдтой зынгхуыссынгæнæнтæ, горæтыл афæлгæсын цы аттракционыл уыдзæн, уымæн скодтой бындур, тагъд рæстæджы дзы бауаддзысты электрон тых. Куыстытæ иууылдæр цæуынц сæрмагонд фæткмæ гæсгæ.
Парти «Иугонд Уæрæсе»-йы минæвар аргъ скодта Дзæуджыхъæуы 14-æм скъолайы бындурон цалцæгæн дæр. Бæстыхайы куыстытæ райдыдтой майы, æмæ сентябры скъоладзауты ногæй суазæг кодта сæ уарзон скъола. Баивтой дзы хъармгæнæн æмæ электрон системæтæ, бæстыхайы сæр, сног кодтой къултæ. Уымæй уæлдай ма скъола сифтонг кодтой нырыккон техникæйæ.
Æркастысты ма Доваторы уынджы кæртыты хæрзхъæддзинадмæ. Партийы проект «Городская среда»-йы фæлгæты дзы ивынц асфальт, бордюртæ, сауынддзысты дзы рухсгæнæнтæ. Мониторингæй партийы минæвæрттæ сты разы.
Адæмон программæйы фæлгæты парти «Иугонд Уæрæсе» арæх фæкæны мониторингтæ. Саразынц сæ алы æмвæзадты депутаттæ.
