Бафснайдтой Джызæлмæ фæндагыл уæлмæрд
Парти «Иугонд Уæрæсейы» регионалон хайады æмæ «Фыццæгты змæлды» активисттæ сарæзтой хæрзаудæн акци. Бафснайдтой Джызæлмæ фæндагыл уæлмæрд. Зиу арæзт æрцыд Дыккаг дунеон хæсты кæроны бон мысынæн. Историон цаутæ зæрдыл дарын у «Иумæйаг Уæрæсейы» сæйраг хæстæй иу. Ахæм зиутæ бæстæйы фæцæуынц æрвылаз. Бархионтæ саив кæнынц Уæлахизы парктæ æмæ мемориалон комплекстæ. Ацы хатт равзæрстой Ващенкойы дот. Сырх æфсады дæлбулкъон хæстмæ бахауд, Саратовы арæнхъахъхъæнджыты училищæйы ахуыр куы фæци, уæд. Уыд Сталинграды хæсты æмæ Кавказ хъахъхъæныны тохы архайæг. Ващенкойы биографи хъæздыг у Райгуырæн зæххимæ баст цымыдисаг цаутæй. Уæлахизы боныл сæмбæлд Берлины. Хæсты фæстæ Дмитрий Ващенко райдыдта кусын Цæгат-Ирыстоны киностудийы. Фæкуыста дзы 30 азы. Йæ дотыл ис информацион хъусынгæнинаг qr кодимæ. Хъайтары тыххæй бæлвырд информаци базоныны тыххæй, уымæ хъæуы смартфон бахæстæг кæнын. Ахæм хæрзаудæн акцитæ ахъаз сты æрмæст хъæбатырты ингæнтæ аив кæнынæн нæ, фæлæ зæрдылдарын: истори цæры, цалынмæ йæ фæлтæртæ хъахъхъæной, уæдмæ.
