Республикæйы зындгонд спортсментæ – Олимпаг хъæзтыты бронзæ призер, уæззау атлет Æлбегаты Руслан æмæ æмхæццæ хъæбысхæсты хуызтæй дунейы чемпион Хъæрджынты Махарбегимæ фембæлдмæ æрбацыдысты æфсæддонтæ, сæрмагонд æфсæддон операцийы ветерантæ
«Патриотизм банкъарæн ис куыд сæрмагонд æфсæддон операцийы зонæйы, афтæ спортивон олимпы дæр». Ахæм сæргондимæ мадзал арæзт æрцыд Дзæуджыхъæуы. Республикæйы зындгонд спортсментæ – Олимпаг хъæзтыты бронзæ призер, уæззау атлет Æлбегаты Руслан æмæ æмхæццæ хъæбысхæсты хуызтæй дунейы чемпион Хъæрджынты Махарбегимæ фембæлдмæ æрбацыдысты æфсæддонтæ, сæрмагонд æфсæддон операцийы ветерантæ æмæ сæ бинонты уæнгтæ, стæй студенттæ. Се хсæн рауад æргом æмæ ахадгæ ныхас. Дзырдтой, нырыккон царды патриотизмæн цы ахадындзинад ис, ууыл. Алкæмæн дæр фадат уыд уазджытæм фарст раттынæн. Фылдæр баст уыдысты, спорстменты раз ныры политикон уавæрты цы зындзинæдтæ сæвзæры, уыдонимæ. Уæлдайдæр та æппæтадæмон ерысты. Мадзал саразыныл бакуыстой Уæрæсейаг æхсæнад «Знание», «Фыдыбæстæ хъахъхъæнджыты» фонды регионалон филиалы æххуысæй. Фембæлды архайджытæ видеобастдзинады фæрцы аныхас кодтой сæрмагонд æфсæддон операцийы зонæйы ныртæккæ чи ис, уыдонимæ. Абон тохы быдыры сты спортсментæ æмæ тренертæ дæр. Се ппæт дæр хъахъхъæнынц нæ бæстæйы кад æмæ ном.
