филиал вгтрк государственная телерадиовещательная компания “Алания”

Фæлтæрты фембæлдмæ æрбацыд Цæгат Ирыстоны хицауады сæрдар Такъоты Сергей æмæ парламенты сæрдары фыццаг хæдивæг Къесаты Станислав. Ирон адæмы уæлдæр совет ахæм форумтæ саразы алы аз дæр. Амæй размæ баст уыд национ æгъдæуттимæ. Ацы хатт дæр темæ у ахсджиаг. Патриотон хъомылады æмæ интернационализмы райрæзтмæ здæхт цæудзæн стыр æргом, уый тыххæй загъд уыд, республикæйы сæргълæууæг Мамсыраты Таймуразы ныстуаны. Форумы ацы хъуыддагыл æрныхас кодтой бæстонæй. Патриотон æнкъарæнтæ æмæ адæмты хсæн хæлар ахастдзинæдтæ фидар кæнын хъæуы хи дæнцæгмæ гæсгæ. Уый уыд фембæлды архайджыты хъуыды.

Æлборты Иван, Цæгат Кавказы хæххон-металлургон институты профессор: «Мах иунæг не стæм, æмæ йæ хъуамæ хъуыды кæнæм. Хъуамæ хæларæй цæрæм иннæ адæмыхæттытимæ. Уый у нæ форумы сæйраг хъуыды».

Цæллагкаты Артур, «Ирон адæмы уæлдæр советы» фæсивæдон хъуыддæгты комитеты сæрдар: «Абон дзурæм ахсджиаг хъуыддæгтыл. Хъуамæ Ирыстоны фæсивæд цæрой хæларæй, æмæ хъуыды кæной, алкæмæндæр бартæ кæй ис, уый. Æмæ дын кæд бартæ ис, уæд дын хæстæ дæр ис».