Адæмы æдас цардыл чи тох кодта, уыцы хъæбатырты тыххæй, хъыгагæн, адæм бирæ нæ зонынц.
Цæцæны республикæйы æфсæддон ныхмæлæуддзинæдты чи фæмарди, уыдоны номарæн боны Мæздæджы районы Павлодольскæйы скъолайы кæрты байгом ис, локалон ныхмæлæуддзинæдты йæ цард чи радта, уыдонæн цыртдзæвæн. Адæмы æдас цардыл чи тох кодта, уыцы хъæбатырты тыххæй, хъыгагæн, адæм бирæ нæ зонынц. Цæцæны хæстон цаутæ райдыдтой 25 азы размæ ацы бонты. Уæд дзы фæмарди 4 мин уæрæсейаг æфсæддоны. Ацы номарæн фембæлды скъоладзаутæ радзырдтой станицæйы скъолайы рауагъдонтæй æхсæзы хъæбатырдзинæдты тыххæй. Сæ нæмттæ фыст æрцыдысты къæйдурыл. Йе фсæддон хæс æххæстгæнгæйæ йæ цард кæмæн аскъуыди, уыцы æдзард фæсивæды рухс ном ссарынмæ æрбацыдысты æхсæнадон организациты минæвæрттæ пъæлицæйы кусджытæ, агурæн-сгарæг службæты, музейты кусджытæ æмæ æфсæддонтæ. Минут алæууыдысты æдзæмæй, уый фæстæ арвмæ суагътой урс сартæ æмæ мемориалыл сæвæрдтой дидинджытæ. Стæй станицæйы аргъуаны ацыди номарæн аргъуыд.
