филиал вгтрк государственная телерадиовещательная компания “Алания”

Æргом ныхас. Павлодольскы цæрджытимæ фембæлдысты республикæйы паддзахадон автоинспекцийы минæвæрттæ. Хицауы хæдивæг Рæмонаты Аркадий фехъусын кодта статистикæйы бæрæггæнæнтæ. Æрмæст Мæздæджы районы æрцыд 33 фæндаггон фыдбылызы æмæ дзы фæмард 7 адæймаджы. Уый фаронимæ абаргæйæ у 3 хатты фылдæр. Ноджы ма загъта фæстаг 7 мæймæ фæндаггон фыдбылызты хъыгдард байæфтой 6 сывæллоны, 1 та мард фæци.

Павладольскы цæрджытæ дæр загътой сæ хъуыды, фæндаггон фыдбылызтæ канд шофыртæ æмæ фистæгæй цæуджыты аххосæй кæй не рцæуынц, фæлæ ма автоинспектортæ сæ размæ æвæрд хæстæ куыд æмбæлы, афтæ кæй не ххæст кæнынц, уый тыххæй дæр. Рæмонаты Аркадий бахаста фæндон, цæмæй арæхдæр цæуой бæрæггæнæн куыстытæ, стæй скъолатæм хæстæг ран цæлхдуртæ саразой æмæ дзы сæрмагонд нысантæ сæвæрой. Администрацийы сæргълæууæг Сергей Радионов радзырдта станицæйы фæндæгты уавæры тыххæй. Сæ цалцæгыл кусдзысты дарддæр. Æмæ дзы сæвæрдзысты ног фæндаггон нысантæ.