Электрон сервисы фадат дæттынц æппæт документтыл бакусынæн, стæй иу æрхæцтæй æппæт информаци базонынæн
Пенсион фонды лæггæдтæ райсæн ис ноджыдæр æнцондæрæй. Хъæугæ гæххæт, кæнæ та документтæ бацæттæ кæнынæн раздæрау рады лæууын нал хъæуы. Абон алцы дæр у бирæ хуымæтæгдæр. Пенсион фонды æмæ бирæвæрсыг центрæй фæстæмæ ма лæггæдтæ райсæн ис дæрддзæфмæ. Цы хуызы уый тыххæй нæ программæйы дарддæр æрмæг.
Иннæ ахуыр кæны пенсион фондæн чырæ хæтæлы цы сæрмагонд æфтауæн ис, уый. Нырытæккæ хи кабинеты пенсион фонды лæггæдтæй спайда кæнæн кæй ис, уый дыууæ сывæллоны мад базыдта хæрзæрæджы. Сфæнд кодта мадæлон капиталы сертификат райсын. Уымæ гæсгæ йæ раздæрау рады лæууын нал хъæуы, фæлæ йын фæзынди фадат хæдарæй нæ рацæугæйæ йæ фарста алыг кæнынæн.
Уæрæсейы Пенсион Фонды электрон сервисы фадат дæттынц æппæт документтыл бакусынæн, стæй иу æрхæцтæй æппæт информаци базонынæн. Уый тыххæй æрмæст нырыккон чырæ хæтæлмæ интернеты уылты хъæуы уæлæмхасæн приложени кæй хонынц, уый бафтауын. Хистæр кары адæмæн кæнынц ахуыргæнæн курсытæ. Уæвгæ, ацы ногдзинад алы кары адæмæн дæр у стыр удæнцойдзинад. Хæдзары уæвгæйæ Пенсион Фонды бакæнынц сæ куыстытæ. Зæгъæм, пенсиисджытæн индексацийы рæстæджы сæ бон у ацы лæггæдтæй спайда кæнын, æмæ сæ фиддонты тыххæй информаци базонын. Электрон лæггæдтæй спайда кæнын сæ бон у мадæлон капитал райсыны ба кæмæн ис, уыцы ныййарджытæн дæр.
Ацы ногдзинæдты фæрцы, зæгъæн ис æмæ фонды службæйы территорийы адæм рады нал лæууынц. Фæлæ уыдон дæр, раздæрау кусынц. Адæймаг йæ рæстæг фæстауæрц кæны, уыимæ, гæххæттытимæ куыст дæр фæкъаддæр вæййы. Паддзахадон лæггæдты порталы регистраци скæнын у æнæмæнг хъуыддаг. Техникæимæ архайын æнцон кæмæн нæу, уыцы адæмæн баххуыс кæндзысты бирæвæрсын центрты специалисттæ. Процедурæйыл 5 минутæй фылдæр хардзгонд нæ цæуы.
Бирæвæрсыг центртæ кусынц Дзæуджыхъæуы алы районы, стæй республикæйы алы райцентрты дæр. Уæрæсейы Пенсион фонды лæггæдтæй спайла кæнæн ис ам дæр. Пенсион фонды цы информаци дæттынц, уымæн йæ 95% райсæн ис бирæвæрсыг центры уылты дæр. Системæ кусы куыд æмбæлы, афтæ. Бонæй бонмæ, фылдæр кæны пенсион лæггæдты номхыгъд дæр.
Алчиæр æвзары йæхæдæг. Пенсион фонды æмæ бирæвæрсыг центры службæйы лæггæдтæй спайда кæна, æви хъæугæ информаци Пенсион фонды уæлæмхасæн æфтуаны фæрцы хи кабинеты æмæ паддзахадон лæггæдты порталы уылты райса, уый. Ныр фадæттæ сты бирæ уæрæхдæр. Пенсион фонды аразынц ахæм уавæртæ, цæмæй æнцонпайдагæнæн уой алы кары адæмæн дæр.
