24 сентября 2024, 11:07
Персайнаг литературæйы æмæ поэзийы бон сбæрæг кодтой Национ наукон бибилиотекæйы
Традицимæ гæсгæ вæййы 18-æм сентябры – кадджын персайнаг поэт, фæсном Шахриярæй зындгонд чи у, уый мæлæты боны
Персайнаг литературæйы æмæ поэзийы бон сбæрæг кодтой Национ наукон бибилиотекæйы. Традицимæ гæсгæ вæййы 18-æм сентябры – кадджын персайнаг поэт, фæсном Шахриярæй зындгонд чи у, уый мæлæты боны. Мадзал баст уыд йе сфæлдыстадимæ. Шахрияры хуыдтой гений, фыста се *ппæтæн æмбаргæ æвзагыл, алы рæнхъы дæр æвæрдта арф философон хъуыды. Студенттæ æмæ скъоладзаутæ бакастысты поэты уацмыстæ алы æвзæгтыл – уырыссаг, таджикаг æмæ ма суанг францусагыл дæр.