Экспозици баст у Фыдыбæстæйы Стыр хæсты сæйраг къæпхæнтæй иуимæ
Плиты Иссæйы хæдзар-музейы байгом хуызистыты равдыст «Кавказ суæгъд кæныныл тох». Экспозици баст у Фыдыбæстæйы Стыр хæсты сæйраг къæпхæнтæй иуимæ. Кавказыл тох уыди, хæсты цыд цæхгæр чи аивта, ахæм цау. Равдысты фенæн ис рагон хуызистытæ, уыцы рæстæджы нæ республикæйы историон æвдисæндартæ. Экспозици у, граждайнаг хъæппæристæн æххуысы конкурсы грантты уæлахиздзау. Арæзт цæуы парти «Иугонд Уæрæсе»-йы æххуысæй. Архайдта дзы 2 мины 3 сæдæ конкурсанты. Курдиæттæн сæ фылдæр баст уыдысты историон цаутимæ æмæ патриотон хъомыладимæ. Зæгъын хъæуы уый, æмæ уыцы дыууæ темæйы партийы Адæмон программæйы сты сæйрагдæр проекттæ. Конкурсы федералон къæпхæны уæлахиздзау Цæгат Ирыстонæй сси Артур ГарАга. Гранты фæрæзтæй бантыст проект царды рауадзын. Равдыст федтой Дзæуджыхъæуы 3-æм скъолайы ахуырдзаутæ. Плиты Иссæйы хæдзар-музейы экспозици фенæн уыдзæн мæйы æмгъуыдмæ. Уый фæстæ йæ аласдзысты республикæйы скъолатæм.
