Архайдтой дзы райдайæн кълæсты ахуыргæнджытæ, Цæгат Ирыстоны педагогон институты ахуыргæнджытæ æмæ магистранттæ. Республикæйы ног системæмæ гæсгæ кусын райдыдтой 2010-æм азы. Абон эксперименталон кълæстæ ис 60 скъолайы.
Архайдтой дзы райдайæн кълæсты ахуыргæнджытæ, Цæгат Ирыстоны педагогон институты ахуыргæнджытæ æмæ магистранттæ. Республикæйы ног системæмæ гæсгæ кусын райдыдтой 2010-æм азы. Абон эксперименталон кълæстæ ис 60 скъолайы. Уыдоны 4-æм къласмæ сывæллæттæ æппæт предметтæ ахуыр кæнынц уырыссаг æмæ ирон æвзæгтыл. Уый тыххæй ЮНЕСКО-йы кафедрæ бацæттæ кодта ахуырадон æрмæджытæ скъоладзаутæн æмæ ахуыргæнджытæн. Дарддæр сывæллæттæ ахуыр кæндзысты хуымæтæг программæмæ гæсгæ. Семинар æххæстгæнгæйæ ахуыргæнджытæ бабæрæг кодтой гом урок нæ алфамблай дунейæ, стæй уæлæмхасæн урок ирон адæмы уазæгуарзондзинады темæйыл.
Хъыргъуты Фатимæ, Цæгат Ирыстоны паддзахадон педагогон институты магистратурæйы разамонæг: «Мах нæ размæ абон æвæрдтам ахæм хæстæ: базонгæ кæнын, ацы эксперимент цы дæтты, уыимæ. Цавæрдæр фарстатæ раиртæстам. ахуыргæнджытимæ бакуыстой ахуыргæндтæ, педагогон наукæты доктортæ, кусæг ахуыргæнджытæ. Цы сын бантыст, уый иннæ ахуыргæнджытæн радзырдтой».
