Гæздæнты Гайтойы романы сурæттæм этюдтæ бацæттæ кодтой Цæгат Ирыстоны паддзахадон университеты аивæдты факультеты студенттæ
«Призрак Александра Вольфа» сдзырдта иронау. Гæздæнты Гайтойы романы сурæттæм этюдтæ бацæттæ кодтой Цæгат Ирыстоны паддзахадон университеты аивæдты факультеты студенттæ. Равдыстой сæ Евгений Вахтанговы хæдзар-музейы. Сфæлдыстадон мадзал арæзт æрцыд, фестиваль «Русское зарубежье: города и лица – 2023» æххæст кæнгæйæ. Ацы аз уалдзæджы æрыгон актертæ ахæм программæ равдыстой сæ фæлварæнты рæстæг. Фестивалы разамынд та сæ ракуырдта, цæмæй йæ ногæй равдисой, уый. Гайтойы уацмыс ирон æвзагмæ ратæлмац кодта Бежаты Фаризæ. Студенттæ сæхæдæг куыд зæгъынц, афтæмæй Вахтанговы Хæдзары сценæмæ рацæуын æмæ дзы алыхуызон сурæттæ æвдисын у уæлдай бæрнон хъуыддаг, фæлæ тынг æхсызгон.
