Æрмæджытæм хъусгæйæ, гæнæн ис, уыцы-иу рæстæг уацмыстæ кæсын дæр.
Проект «Аудиобалц аргъæутты дунемæ», хаст æрцыд Уæрæсейы 100 хуыздæр проекты номхыгъдмæ. Бакуыста йыл Гæбæраты Ахсар. Цæгат Ирыстоны минæвæртты схорзæхджын кодтой Сочийы æппæтадæмон форумы. «Аудиобалц аргъæутты дунемæ» хаст æрцыд чырæ телефонты уæлæмхасæн программæ «Ирон чиныг»-мæ. У лæвар. Проектмæ бахастой ирон фысджыты æмæ поэтты уацмыстæ ирон æвзагыл. Зæгъын хъæуы уый, æмæ Цæгат Кавказы фæсивæдон форум «Машук-2018»-ы ацы проект фæцыд нæ бæстæйы президенты зæрдæмæ дæр. Форумы цы Грант рамбылдтой, уый фæрцы йæ мидис фæхъæздыгдæр уыдзæн. Ныртæккæ дæр æм хаст æрцыд цалдæр сæдæйы – адæмон сфæлдыстад æмæ аргъæуттæ, спектакльтæ, æмдзæвгæтæ æмæ ало-лайы зарджытæ. Аудиочингуытæ саразыны хъуыддаджы архайынц республикæйы театрты артисттæ. Æрмæджытæм хъусгæйæ, гæнæн ис, уыцы-иу рæстæг уацмыстæ кæсын дæр.
